冒牌伊健唱情歌 蒙嘉慧暈
蒙嘉慧（YoYo）自從與鄭伊健拍拖之後，經常成為被玩對象，前晚出席無台慶聯歡晚宴時，戀情再被擺上，除被安排煮伊麵外，大會更安排了馬國明扮伊健唱情歌，YoYo雖然笑到甜到漏，不過卻慘被累至泄春光露底。
無藝員發展科前晚在酒店舉行《星光匯聚大派對》，各合約藝員均打扮靚靚出席，當中全晚高潮是蒙嘉慧被安排於《美女廚房》中煮伊麵，YoYo已特地自備米粉前來，不過司儀李思捷卻把米粉藏起，由於YoYo落很多油，周中師傅即說﹕「唔好咁多油，伊麵唔鍾意肥膩。」之後周中又說﹕「我鍾意伊麵，好鍾意鄭伊麵。」全程YoYo只是一味陪笑，及後當她試食時，周中又鬼馬地說﹕「要啜。」
接戴上假髮的馬國明拿相機扮鄭伊健出場說﹕「有YoYo的地方梗有伊健。」司儀問他想跟YoYo說甚麼﹖他情深地說﹕「我想唱《一生愛你一個》。」當馬國明唱起此歌時，十足伊健上身非常神似，全場嘉賓已捧腹大笑，而YoYo亦忍不住笑起來。當她想離台時，馬國明卻捉實她的手不讓她走， YoYo只好掩嘴傻笑，並笑到蹲下來，不慎走光露出肉色內褲。之後馬國明又扯開假髮，露出光頭來，YoYo即踩他一腳示意要離開，馬國明這才放她落台。
事後YoYo稱只知道要煮麵，所以才帶同米粉來，豈料卻被李思捷收起此「絕招」，始終避不過。對於無拿「蒙麵戀」開玩笑會否嬲怒﹖YoYo說﹕「這是公司聯歡晚會，大家都睇得開心，而且樂小姐事前講過自己公司玩，好過在外面唔知點玩點寫，不過都有少少尷尬。」
YoYo亦覺得馬國明扮得很似，當說到她蹲下時走光，她有少少不開心說﹕「我唔知道，當時好尷尬，（是否太開心而忘形﹖）不是。當時我想走入後台，但被馬國明捉住，畀佢激死，不過自己肉色的，應該唔係好覺。我初初以為馬國明份人好有禮貌，事前又問我可不可以拖手，但竟拖實唔放。」對於現場觀眾看得好開心，明顯是對這戀情受落，YoYo笑道﹕「咁惟有多謝公司。(會否同伊健講﹖)這個我要保留，問下監製點解先﹖」
另外，馬國明表示今次純是公司安排，而為了練伊健的唱腔，他已經聽了該首歌4日。他表示希望YoYo不會嬲，因為純搞氣氛，那可擔心伊健嬲﹖他道﹕ 「YoYo唔嬲伊健都唔會嬲，（但你累她走光喎﹖）唔知喎﹗咁真係出事，我當時捉實佢只想畀大家影相，我都係受人二分四，唔關我事，矛頭係監製呀。」
