引用:
原帖由 CherI 于 4/6/2008 22:43 发表 
是難得有科鐘意既......但係我唔太可以接受失敗.....所以都係擔心
好多人純水....水帖都好快....個個都好快......呢個係其中一個我唔水既原因
我打字慢慢慢.......加上我都係o係人地半夜三更先online.....
...
丫..岩岩訓醒...沖左個涼..
以前我中學晚晚都係訓2,3個鐘就番學..而家竟然一晚通宵就頂唔到..體能差左好多..
我而家好似冇科鐘意..完全唔知自己想點..迷途小羔羊..前路暗淡中
慢慢水冇問題丫
你用九方??我以前中一都係用九方~不過中2果時為左玩online game..
用唔到九方..手寫板又慢..自己對住鍵盤亂打左幾日咩書都冇睇過識左速成
之後等會考放榜果期..晚晚同人icq果d..就越打越快la..主要係打得多就快
註..beyond都唔係我年代..係比我再早幾年既年代..我好後生..未到2字頭..比你大2年一個月咋,囉到我黎同人地老豆比
我真係聽果時家駒已經死左..不過d歌太經典..太好聽..想學結他都係因為beyond..
香港除左beyond我真係冇咩星岩..AAA又唔黎香港..所以我係唔需要追星既而家..
關心妍d歌真係唔錯..04年果時睇佢場live好high好有feel~果次有人請我去睇
仲有好多好歌架佢~假使我漂亮,關心心妍..下刪n首~岩岩出左新碟~每次出碟d歌都好好聽~同有驚喜~
但唔知點解我都係冇中佢d毒..
冇錯..係唔知點解淨係同你先同時咁多話題,好神奇~仲要越扯越遠
可以背唔好..好憎背野..記憶考驗..我都係做理解形既人好d..唔想背死書
你越講我越自卑..就算唔精出黎都可以同人講識4國語言..幾好..邊4種..廣.普.英.法?
第5種又咩..睇你果勢都係想學韓文..如果唔係大路d應該係日文or西班牙...
(咁我又安慰下你laXD原句搬番出黎~french係你既4th Language,考得唔好好正常
)
丫..頭先下午一番到歸就係張床淋底左..期間人打電話話..最憎人係我訓緊覺果時打黎嘈我..差d罵左人
個人打黎話幫我買AAA上星期隻新single only cd版..我都唔知自己答左咩話好丫果d就收左線..
之後又一個打黎..我接左佢電話都唔知..check番記錄先知..
點知起身問番..個人話..帶唔夠錢..自己買果時先知差幾$..冇買到..即時好頹..
(話說..6月18出mini album..搶錢到..一個月唔夠又出新..冇錢買呢次真係..
)
痴線..回一個帖打左成700個字..你話死唔死丫..遲d可以同你出本對話錄都得..
好..繼續溫書..後日最後一科..唔可以再死..唔想補考..冇錢..睇而家個勢可能有1,2科已經死左..
[
本帖最后由 卡诺 于 2008-6-5 01:37 编辑 ]
